Kif Toħloq u Tittermina Reġistrazzjoni

Reġistrazzjoni Mandatorja:
Mill-1 ta’ Jannar 2020 kuntratti ta’ kiri għal skop primarju residenzjali għandhom jiġu reġistrati minn sid il-kera mal-Awtorità tad-Djar fi żmien tletin (30) jum mill-bidu tal-kirja. Il-kuntratt tal-kirja jeħtieġ li jiġi rreġistrat online fuq il-websajt www.rentregistration.gov.mt. F’każ ta’ xi diffikultà, jista’ jiġi ibbukjat appuntament mal-Customer Care fi ħdan l-Awtorità tad-Djar. Sabiex tibbukja appuntament ma’ rappreżentant tal-Awtorità tad-Djar, jekk jogħġbok ċempel fuq 22991010 jew ibgħat e-mail lil [email protected].

Rekwiżiti:
Il-kirjiet residenzjali privati kollha li saru wara li l-liġi daħlet fis-seħħ fl-1 ta’ Jannar 2020 għandhom isiru bil-miktub u għandhom jinkludu r-rekwiżiti li ġejjin:

• Il-proprjetà li tkun qed tinkera;
• Użu maħsub kif miftiehem;
• Il-perjodu li jkopri l-kirja;
• Jekk, u kif, il-kirja tistax tiġġedded;
• L-ammont tal-kera u kif dan għandu jitħallas;
• Kull ammont depożitat mill-kerrej bħala garanzija, għat-twettiq tal-obbligi tiegħu;
• Inventarju li jattesta l-kundizzjoni tal-fond kif ukoll l-istat ta’ kull għamara u apparat domestiku fornut mill-kerrej. Dan huwa obbligatorju għal kuntratti b’dati tal-bidu mill-1 ta’ Jannar 2020 ‘il quddiem.
• Dikjarazzjoni ta’ Sid il-Kera ipprovduta uffiċjalment mill-Awtorità tad-Djar li tikkonferma d-dettalji tal-proprjetà. Din tista’ tinstab fuq https://rentregistration.mt/mt/forms/

Niżżel mudell tal-kuntratt

Jekk ma jintużax il-mudell tal-kuntratt, dan id-dokument irid jiġi anness mal-kuntratt.

Liema kuntratti għandhom jiġu rreġistrati:
L-Att japplika biss għal dawk il-kuntratti ta’ kiri għal skop primarju residenzjali li saru wara l-1 ta’ Ġunju 1995. Kirjiet residenzjali li saru wara l-1 ta’ Ġunju 1995, iżda qabel id-dħul fis-seħħ ta’ dan l-Att u li jkunu għadhom fis-seħħ fl-1 ta’ Jannar 2021, kemm jekk fit-terminu oriġinali jew imġedded, iridu jiġu rreġistrati sa mhux aktar tard mill-1 ta’ Jannar 2021.

Għal iktar informazzjoni rigward tipi ta’ kuntratti u kampjun ta’ kuntratt, jekk jogħġbok għafas fuq din il-ħolqa

1. Agħfas fuq Oħloq Kont
2. Ikteb l-indirizz elettroniku u Oħloq Password
3. Ikkonferma l-password
4. Agħfas Oħloq Kont
5. Se tirċievi email fuq l-indirizz elettroniku li provdejt biex Tivverifika l-Indirizz Elettroniku
6. Mill-email li tirċievi agħfas fuq Nivverifika l-Indirizz Elettroniku
7. Wara li tivverifika l-indirizz elettroniku il-paġna se tieħdok fis-sezzjoni Il-Profil Tiegħi. 

Biex tirreġistra kirja onlajn ser ikollok bżonn jew tidħol billi tuża l-E-ID tiegħek hawn jew toħloq kont online hawn.

Għall-utenti tal-E-ID, id-dettalji personali jimtlew awtomatikament mis-sistema.

Kull persuna trid Toħloq Profil biex tkun tista’ tirreġġistra kuntratt ta’ kirja.

1. L-ewwel trid tagħżel it-Tip ta’ Profil:

Individwu: It-terminu individwu jirreferu għal sidien ta’ proprjetà, inkwilini u

individwi oħra li jirreġġistraw f’isem individwu ieħor. (Per eżempju: Individwu li għandu l-Prokura)

Kumpanija: It-terminu kumpanija jirreferi għal dawk l-individwi li jirreġistraw kuntratt ta’ kirja fuq proprjetà li l-kumpanija tkun qiegħda tikri. Kumpanija trid tinkludi n-numru ta’ reġistrazzjoni

Aġent: It-terminu Aġent jirreferi għal aġenti li jirreġistraw kuntratt ta’ kirja residenzjali privata f’isem sid il-kera.

2. It-tieni trid tinkludi d-Dettalji Personali

3. It-tielet trid tinkludi l-Indirizz

4. Agħfas fuq Issejvja u Kompli

1. Wara li jinħoloq Profil, ikklikkja fuq il-kaxxa ‘Reġistrazzjoni tal-Kuntratt’.
2. L-ewwel pass huwa li timla d-Dettalji tal-Propjetà.
   • Nota Importanti: L-indirizzi tal-proprjetà huma awtomatikament popolati mis-sistema u ma jistgħux jiġu editjati.
   • Pass 1: Agħżel il-Lokalità tiegħek.
     • Agħfas fuq il-menu u agħżel il-lokalità tal-post li qed jinkera.
   • Pass 2: Agħżel it-Triq.
     • Agħfas fuq il-menu dropdown u agħżel it-triq tal-proprjetà li qed jinkera.
   • Pass 3: Agħżel l-Isem/Numru tar-Residenza.
     • Agħfas fuq il-menu dropdown u agħżel l-isem/numru tar-residenza tal-proprjetà mikrija.
3. Niżżel id-dokument ‘Dikjarazzjoni ta’ Sid il-Kera’.
   Nota Importanti: Is-sottomissjoni tad-dokument ‘L-Awto-Dikjarazzjoni ta’ Sid il-Kera’ huwa obbligatorju biex tkompli.
4. Wara li taqra d-dikjarazzjoni, immarka l-kaxxa tad-dikjarazzjoni.
5. Agħfas Kompli.
6. It-tieni pass huwa li timla d-Dettalji tal-Kera.
7. Meta timla d-Dettalji tal-Kera trid ittella’ kemm il-kuntratt iffirmat kif ukoll l-inventarju.
8. Agħfas Kompli.
9. It-tielet pass huwa li timla d-Dettalji ta’ Sid il-Kera.
10. Fil-każ li jkun hemm aktar minn sid wieħed tal-kera, agħfas fuq ‘Żid Sid il-Kera’.
11. Agħfas Kompli.
12. Ir-raba’ pass huwa li timla d-Dettalji tal-Inkwilin.
13. Fil-każ li jkun hemm aktar minn inkwilin wieħed, agħfas fuq ‘Żid L-Inkiwlin’.
    Nota Importanti: Wieħed jista’ jżid biss numru ta’ inkwilini li ġie iddikjarat fit-taqsima tad-Dettalji tal-Kera fil-kaxxa ‘Numru ta’ Residenti inklużi Kerrejja f’dan il-Kuntratt’.
14. Agħfas Kompli.
15. Il-ħames u l-aħħar pass huwa li tagħfas Iva jekk individwu awtorizzat ikun parti mill-kuntratt u jekk Le kompli għall-pass li jmiss.
16. Jekk Iva, imla d-Dettalji Tal-persuna Awtorizzata Sabiex Tidher Għan-nom ta’ xi ħadd Fil-kuntratt.
17. Wara li taqra t-termini u l-kundizzjonijiet, immarka l-kaxxa tat-termini u l-kundizzjonijiet.
18. Agħfas Issottometti.
19. Jekk jogħġbok daħħal id-dettalji tal-ħlas tiegħek, sabiex tħallas il-miżata tar-reġistrazzjoni.
20. Wara li tagħmel is-sottomissjoni, tirċievi email ta’ notifika, li tgħidlek li l-applikazzjoni tiegħek għar-reġistrazzjoni ta’ Kera Residenzjali Privata ġiet riċevuta u se tiġi riveduta. Il-proċess ta’ verifika jista’ jieħu sa 10 t’ijiem ġranet ta’ xogħol.
21. Il-pjattaforma tibgħatlek notifika awtomatika jekk l-Awtorità tad-Djar teħtieġ xi kjarifika jew informazzjoni ulterjuri dwar ir-reġistrazzjoni.
22. Wieħed ikun infurmat meta l-applikazzjoni tkun ġiet riveduta u aċċettata jew rifjutata.

Meta tkun qed tirreġistra kuntratt u ma tipproċedix bil-ħlas, din l-applikazzjoni tar-reġistrazzjoni tiġi ssejvjata fl-istatus ta ‘abbozz u tista’ tiġi aċċessata aktar tard mill-għażla ta ‘Abbozz ta’ Reġistrazzjonijiet ta ‘Kuntratti, taħt it-taqsima Reġistrazzjoni ta’ Kuntratt mit-toolbar tax-xellug. Ir-Reġistrazzjoni tkun sottomessa biss, wara li l-ħames taqsimiet kollha huma mimlija, tikklikkja Issottometti u ħallas il-mizata tar-Reġistrazzjoni.

L-għażla ta’ Rispons Meħtieġ taħt it-taqsima ta’ Reġistrazzjoni tal-Kuntratt mit-toolbar fuq ix-xellug tippermettilek taċċessa l-kuntratti tal-kera li ma ġewx reġistrati peress li l-Awtorità tad-Djar teħtieġ aktar kjarifika.
Tista’ taċċessa l-kuntratt mit-taqsima ‘Rispons Meħtieġ’, billi tagħfas fuq ‘Editja’ u emenda l-kuntratt biex tissodisfa r-rekwiżiti obbligatorji u n-nuqqasijiet meħtieġa kif mitlub mill-Awtorità tad-Djar waqt il-proċess ta’ verifika sabiex tiffinalizza r-reġistrazzjoni.

Dan il-Formola tal-Prokura tiddiskrivi kif trid tkun il-Prokura skond il-policy tal-Awtorita’ tad-Djar għall-kuntratti tal-Kirijiet Residenzjali Privati li jaqgħu taħt kapitlu 604/2019 tal-Liġijiet ta’ Malta. Prokura (“PoA”) hija awtorizzazzjoni bil-miktub biex tirrappreżenta jew taġixxi f’isem ħaddieħor.

Partijiet li jidħlu f’kuntratt ta’ kiri permezz ta’ Prokura, jistgħu jagħmlu użu mill-kampjun tal-Prokura pprovdut mill-Awtorità tad-Djar (Formola tal-Prokura), inkella jissottomettu lill-Awtorità Prokura tagħhom li għandha tkun waħda bil-miktub, iffirmata mill-mandant u milll-mandatarju, u minn xhud li jrid ikun professjonist u jkollu warrant valida skont il-Liġijiet ta’ Malta.

Meta timla l-formola ta’ reġistrazzjoni online, it-taqsima bl-isem ‘Dettalji Tal-Persuna Awtorizzata Sabiex Tidher Għan-Nom Ta’ Persuna Oħra Fil-Kuntratt’ għandha timtela bid-dettalji tad-detentur tal-prokura.

Kuntratti ta’ Kirjiet li jispeċifikaw li l-kirja se tkun qiegħda tiġġedded b’mod awtomatiku, huma obbligati li jġeddu r-reġistrazzjoni tal-kuntratt onlajn. Dan jista’ jsir billi tiġi segwita din il-proċedura:

1. Idħol fuq il-portal bil-kont tiegħek jew il-kont tal-E-ID
2. Agħfas fuq ir-Reġistrazzjoni tal-Kuntratt
3. Agħfas fit-taqsima tar-Reġistrazzjonijiet Tiegħi
4. Sib ir-reġistrazzjoni u kklikkja fuq Ara
5. Agħfas Tiġdid
6. Agħfas Ġedded
7. Imla d-data ta’ Terminazzjoni ġdida u l-Kera Annwali
8. Agħfas Issottometti

Tiġdid fuq kuntratti li ma jiġġeddux b’mod awtomatiku

Kuntratti ta’ Kirjiet li ma jispeċifikawx li l-kirja se tkun qiegħda tiġġedded b’mod awtomatiku, iżda l-partijiet jaqblu li jsir it-tiġdid minflok il-kuntratt jiġi tterminat irid jsegwu din il-proċedura:

1. Idħol fuq il-portal bil-kont tiegħek jew il-kont tal-E-ID
2. Agħfas fuq ir-Reġistrazzjoni tal-Kuntratt
3. Agħfas fit-taqsima tar-Reġistrazzjonijiet Tiegħi
4. Sib ir-reġistrazzjoni u kklikkja fuq Ara
5. Agħfas Tiġdid
6. Agħfas Ġedded
7. Imla d-data tat-Tmiem il-ġdida, Kera Annwali, u tella’ d-Dikjarazzjoni ta’ Tiġdid iffirmata
8. Wara li taqra id-disclaimer, agħfas fuq il-kaxxa ta’ disclaimer
9. Agħfas Issottometti
10. Ipproċedi bil-pagament ta’ € 5
11. It-tiġdid jiġi vverifikat u notifika ta’ approvazzjoni tintbagħat ladarba tiġi approvata
12. Jekk teħtieġ li tikkonferma f’hiex wasal it-tiġdid tal-kuntratt tiegħek, ikklikkja fuq Tiġdid
13. F’każ li jkun hemm bżonn ta’ emendi, inti ser tirċievi imejl fejn tgħidlek x’hemm bżonn isir. Din għandha tiġi sottomessa fi zmien sebat (7) ijiem, u aktar importanti qabel tmiem il-kuntratt tal-kera. Fin-nuqqas ta’ sottomissjoni ta’ dawn l-emendi fiż-żmien stipulat, il- kuntratt tal-kera oriġinali jiġi mġedded awtomatikament għal perjodu ieħor ta’ sena, bl-istess kundizzjonijiet hekk kif stipulat fl-istess kuntratt u b’konformità ma’ Artikolu 9 (2) tal-Kapitolu 604 tal-liġijiet ta’ Malta.

Terminazzjoni ta’ Kuntratt Reġistrat

F’każ li s-sid ma jkunx se jġedded il-kirja u jittermina r-reġistrazzjoni fit-terminu tal-kuntratt, huwa għandu javża lill-inkwilin mill-inqas tliet (3) xhur qabel jintemm il-kuntratt permezz ta’ ittra rreġistrata;

Jekk is-sid ma javżax lill-inkwilin fil-perjodu stabbilit, il-kirja tiġġeded b’mod awtomatiku għal sena.

Sabiex tiġi tterminata r-reġistrazzjoni onlajn trid tiġi segwita din il-proċedura:

1. Idħol fuq il-portal bil-kont tiegħek jew il-kont tal-E-ID
2. Agħfas fuq ir-Reġistrazzjoni tal-Kuntratt
3. Agħfas fit-taqsima tar-Reġistrazzjonijiet Tiegħi
4. Sib ir-reġistrazzjoni u kklikkja fuq Ara
5. Agħfas Ittermina
6. Id-Data tat-Tmiem timtela awtomatikament skont il-kuntratt tal-kiri rreġistrat
7. Tella l-avviż dwar it-Tmiem mibgħut lill-kerrej
8. Wara li taqra id-disclaimer, agħfas fuq il-kaxxa ta’ disclaimer
9. Agħfas Ittermina
10. Notifika tintbagħat lill-partijiet kollha li jikkonfermaw it-talba għat-terminu
11. Ladarba r-reġistrazzjoni tintemm fid-data tat-tmiem tagħha, notifika oħra tintbagħat lill-partijiet kollha

Terminazzjoni ta’ Reġistrazzjoni ta’ Ftehim ta’ Kiri rreġistrat

Nota: Sid il-kerajista’ jittermina r-reġistrazzjoni tiegħu li hija Attiva billi jidħol onlajn. Jekk il-partijiet jaqblu li jitterminaw ir-reġistrazzjoni tal-ftehim tal-kera tagħhom qabel id-data oriġinali, jew meta l-kerrej/a jitlaq/jitilqu mill-propjeta’ mingħajr avviż, il-proċeduri ta’ hawn taħt għandhom jiġu segwiti sabiex  ir-reġistrazzjoni tiġi terminata b’ effett immedjat jew qabel id-data oriġinali tat-terminazzjoni tal-kuntratt.

1. Login:

Idħol fil-Portal billi tuża l-kont irreġistrat jew il-kont E-id tiegħek.

2. Fittex il-kuntratt ir-Reġistrat:

Ikklikkja fuq “Reġistrazzjonijiet tal-kuntratt” mill-‘Menu’.

3. Aċċessa r-Reġistrazzjonijiet tiegħi:

Ikklikkja fuq “Reġistrazzjonijiet tiegħi.”

4. Agħżel Reġistrazzjoni Attiva:

Sib ir-reġistrazzjoni Attiva li trid tittermina  u kklikkja fuq “Ara.”

5. Ibda l-Proċess ta’ Terminazzjoni:

Ikklikkja l-buttuna ‘Ittermina Reġistrazzjoni’ li tinsab in-naħa ta’ fuq.

6. Agħżel id-Data tat-Terminazzjoni:

Ikklikkja d-data ta’ terminazzjoni u agħżel id-data mixtieqa mill-kalendarju. Id-data magħżula trid tkun qabel id-data oriġinali tat-terminazzjoni tal-kuntratt.

Każijiet speċjali:

Jekk it-terminazzjoni mixtieqa tkun fid-data tat-terminazzjoni tal-kuntratt, ikkuntattjana bill tibgħata emejl fuq [email protected].

7. Dokumentazzjoni meħtieġa:

Meta l-Partijiet jaqblu li jitterminaw r-reġistrazzjoni qabel id-data tat-terminazzjoni tal-kuntratt.

Jekk il-partijiet jaqblu li jitterminaw ir-reġistrazzjoni qabel id-data tat-terminazzjoni, tella’ ittra ffirmata mill-partijiet kollha. L-ittra trid tinkludi dan li ġej –

• In-numru ta’ referenza tar-reġistrazzjoni,
• L-indirizz tal-propjeta’ mikrija,
• L-ismijiet ta’sid/sidien u l-kerrej/a,
• Id-data tat-terminazzjoni,
• Firem tal-partijiet kollha msemmija fil-kuntratt oriġinali.

Alternattiva għall-ittra peress li l-Kerrej ħareġ mingħajr Avviz:

Jekk l-ittra ma tkunx possibbli imla, iffirma, u tella’ l-formola tat-terminazzjoni. Sabiex tottjeni il-formola ta’ terminazzjoni ikklikkja din il-link.

8. Aċċetta t-Termini u l-Kundizzjonijiet:

Wara li taqra u taqbel mat-termini u l-kundizzjonijiet, immarka l-kaxxa tad-dikjarazzjoni ta’ ċaħda.

9. Terminazzjoni Finali:

Ikklikkja l-buttuna ‘Ittermina Reġistrazzjoni ‘wara li taqbel mad-dikjarazzjoni ta’ ċaħda.

10. Konferma:

Jekk qbilt mad-data tad-dereġistrazzjoni, ikklikkja “Iva.” Inkella, ikklikkja “Ikkanċella” biex tmur lura għall-iskrin preċedenti.

Notifika bil-Posta Elettronika

Notifika bl-emejl li tikkonferma t-talba għat-terminazzjoni tintbagħat lill-partijiet kollha li għandhom emejl irreġistrata mall-Awrorita’ tad-Djar.

F ’każ li tiġi skedata Terminazzjoni u tkun trid tirranġa jew tbiddel id-dati, jekk jogħġbok segwi din il-proċedura: –

L-irranġar/tibdil ta’data tat-terminazzjoni:

Jekk għandek bżonn temenda d-data tat-terminazzjoni, irrepeti l-passi 1-10 biex taġġorna d-dati skont dak li huwa mitlub.  Huwa meħtieġ li jiġi mtella’ fajl li jikkonferma d-dati l-ġodda.

Notifika:

Ladarba r-reġistrazzjoni tiġi tterminata fid-data magħżula, tintbagħat notifika oħra bl-emejl lill-partijiet kollha b’ emejls irreġistrati.

Limitazzjoni:

L-irranġar/tibdil tad-dati mhux possibbli jekk reġistrazzjoni tkun ġiet mitmuma.

Terminazzjoni Żbaljata:

Jekk reġistrazzjoni tiġi tterminata bi żball, jeħtieġ li terġa’ tiġi rreġistrata sakemm il-kuntratt ikun għadu validu. It-Tariffi ta’ Reġistrazzjoni  jerġgħu japplikaw mill-ġdid.

Talba lil-Awtorita’ tad-Djar sabiex l-Awtorita’ tagħmel Terminazzjoni ta’ Kuntratt irreġistrat għan-nom ta’ sid/sidt/sidien il-Kera.

Nota: Din il-proċedura hija applikabbli għas-sid/sidt/sidien fejn ir-reġistrazzjoni tal-kuntratt ġiet sottomessa minn terzi f’ isem is-sid u s-sid/sidt/sidieb m ’għandhomx aċċess dirett għar-reġistrazzjoni.

1. Uża l-formola tat-terminazzjoni pprovduta f’kaz li l-inkwlin/i telqu mingħajr avviż jew l-ittra miftehma bejn il-partijiet.
2. Il-formola trid tiġi ffirmata minn sid/sidt/sidien il-kera jew aġent awtorizzat fil-kuntratt, filwaqt li l-ittra tal-terminazzjoni miftehma trid jsir hekk kif deskritt fin-numru 7 Dokumentazzjoni meħtieġa.

Dikjarazzjoni ta’Caħda:

1. Iffirma l-formola tad-dikjarazzjoni ta’ċaħda. Ikklikkja hawn għal formola.

Dokumentazzjoni meħtieġa:

2. Meta l-Partijiet jaqblu li jitterminaw r-reġistrazzjoni qabel id-data tat-terminazzjoni tal-kuntratt.
   Jekk il-partijiet jaqblu li jitterminaw ir-reġistrazzjoni qabel id-data tat-terminazzjoni, tella’ ittra ffirmata mill-partijiet kollha. L-ittra trid tinkludi dan li ġej –
   • In-numru ta’ referenza tar-reġistrazzjoni,
   • L-indirizz tal-propjeta’ mikrija,
   • L-ismijiet ta’sid/sidien u l-kerrej/a,
   • Id-data tat-terminazzjoni,
   • Firem tal-partijiet kollha msemmija fil-kuntratt oriġinali.

Sottomissjoni:

3. Ibgħat il-formoli tat-terminazzjoni jew l-ittra tat-terminazzjoni miftiehma flimkien mad-dikjarazzjoni ta’ ċaħda mimlija billi tibgħathom fuq l-emejl ta’ [email protected].

Validazzjoni:

L-Awtorita’tad-djar m’ għandha l-ebda responsabbilta’ għat-terminazzjoni tar-reġistrazzjoni tal-kirja.

Ir-reġistrazzjoni mill-ġdid hija possibbli jekk il-perjodu miftiehem tal-kirja ma jkunx għadda. It-Tariffi ta’ Reġistrazzjoni  jerġgħu japplikaw mill-ġdid.

Nota importanti:

L-Awtorita’tad-djar ma tieħux ir-responsabbilta’ tat-terminazzjoni tar-reġistrazzjoni tal-kirja.  Ir-reġistrazzjoni mill-ġdid hija possibbli jekk il-perjodu miftiehem tal-kirja ma jkunx għadda.

It-Tariffi ta’ Reġistrazzjoni  jerġgħu japplikaw mill-ġdid.

Kuntatt:

Għal kull mistoqsija jew kjarifika, ikkuntattja lill-Awtorita’ tad-Djar fuq [email protected] jew ċempel fuq 22991010 fil-ħinijiet tal-Uffiċċju.

Miżata ta’ Reġistrazzjoni : €10

Matul is-sena 2020, ir-reġistrazzjoni tal-kuntratti tal-kirjiet residenzjali privati se tkun mingħajr ħlas.

Miżata ta’ Reġistrazzjoni Tard: €120

Tapplika miżata ta’ reġistrazzjoni tard jekk ir-reġistrazzjoni tal-kuntratt ta’ kera residenzjali privata ma tkunx irreġistrata fi żmien 30 jum mill-bidu tal-kuntratt tal-kera.

Miżata għat-Tiġdid ta’ Kuntratt: €5

Kuntratti ta’ kirjiet li fi tmiem tagħhom jiġu mġedda, iridu jerġgħu jiġu rreġistrati u l-miżata ta’ tiġdid tapplika.

F’każ li kuntratt ta’ kirja jispeċifika li se jiġi mġedded kull sena, il-miżata ta’ tiġdid ma tapplikax.

Regolamenti tal-2020 dwar id-Drittijiet tal-Kirjiet Residenzjali Privati

Dan il-proċess huwa mfassal meta inkwilin jkun ser joħroġ mill-proprjetà mikrija u jkun qed jiġi sostitwit minn inkwilin ieħor ġdid fl-istess kuntratt irreġistrat. In-numru ta’ inkwilini f’kuntratt għandu jkun l-istess numru ta’ inkwilin iddikjarati fil-kuntratt oriġinali. Dan il-proċess jista’ jkompli biss jekk il-partijiet kollha involuti ie: sid il-kera, l-inkwilin li ser jitlaq, l-inkwilin li jkun dieħel, u kull inkwilin eżistenti—ikunu qablu kollha Għandu jiġi ffirmat Ftehim ta’ Sostituzzjoni ta’ Inkwilin, li jista’ jinstab fuq https://rentregistration.mt/mt/forms/.

Ladarba l-ftehim ikun mimli u ffirmat mill-partijiet kollha, jekk jogħġbok issottometti t-talba tiegħek billi tibgħat email fuq [email protected] It-talba tiegħek tiġi pproċessata u tkun notifikat ladarba tiġi riveduta u jew aċċettata jew miċħuda.

• Din l-għażla tippermetti lil reġistrant jew sid il-kera biex jissottometti talba biex iżid jew ineħħi inkwilin fuq kuntratt attiv reġistrat.
• Jekk il-kuntratt beda qabel l-1 ta’ Settembru 2024, sid il-kera jista’ biss jissottometti tali talba jekk il-kuntratt ikun fiż-żmien oriġinali tiegħu, u mhux wara li jiġġedded.
• Għal kuntratti li jibdew mill-1 ta’ Settembru 2024 jew wara, it-talba tista’ tiġi sottomessa anke wara li l-kuntratt ikun ġie mġedded.
• L-approvazzjoni taż-żieda ta’ inkwilin/i hija suġġetta għal limitazzjoni ta’ residenti li toħroġ mill-att ta’ emendi XX tal-2024.

Pass Pass kif żżid Inkwilin:

1. Idħol fil-portal bil-kont tiegħek jew bil-kont tal-E-ID
2. Agħfas fuq Reġistrazzjoni tal-Kuntratt
3. Agħfas fuq it-taqsima Ir-Reġistrazzjonijiet Tiegħi
4. Sib ir-reġistrazzjoni u ikklikkja fuq Ara
5. Mur fid-Dettalji tal-Inkwilin fit-Taqsima 4
6. Agħfas fuq Żid Inkwilin li tinsab fin-naħa ta’ fuq tal-lemin
7. Imla d-Dettalji tal-Inkwilin li ser jiżdied
8. Tella’ l-Ftehim taż-Żieda ta’ Inkwilin. Mudell jista’ jinstab fuq https://rentregistration.mt/mt/forms/
9. Agħfas fuq Kompli
10. Wara s-sottomissjoni, tirċievi email awtomatika, li tindika li t-talba tiegħek ġiet sottomessa u ser tiġi riveduta
11. Jekk ikun hemm xi dokument nieqes, firma nieqsa jew dettalji żbaljati mdaħħla fil-formola online, tiġi notifikat li t-talba tiegħek ġiet rifjutata u l-proċeduta ta’ hawn fuq minn 1 sa 9 għandhom jiġi ripetuti.
12. Tkun notifikat meta t-talba tiġi riveduta u aċċettata.

Pass Pass kif Tneħħi Inkwilin:

1. Itħol fil-portal bil-kont tiegħek jew bil-kont tal-E-ID
2. Agħfas fuq Reġistrazzjoni tal-Kuntratti
3. Agħfas fuq it-taqsima Ir-Reġistrazzjonijiet Tiegħi
4. Sib ir-reġistrazzjoni u ikklikkja fuq Ara
5. Mur fid-Dettalji tal-Inkwilin fit-Taqsima 4
6. Sib l-inkwilin li tixtieq tneħħi u agħfas Neħħi L-Inkwilin li tinsab taħt id-dettalji ta’ kull inkwilin.
7. Tella’ l-Ftehim tat-Terminazzjoni tal-Kiri. Mudell jista’ jinstab fuq https://rentregistration.mt/mt/forms/
8. Agħfas fuq Kompli
9. Wara s-sottomissjoni, tirċievi email awtomatika, li tindika li t-talba tiegħek ġiet sottomessa u se tiġi riveduta
10. Jekk ikun hemm xi dokument nieqes, firma nieqsa jew dettalji żbaljati mdaħħla fil-formola online, tiġi notifikat li t-talba tiegħek ġiet rifjutata u l-proċedua ta’ hawn fuq minn 1 sa 8 għandhom jiġu ripetuti.
11. Tkun notifikat meta t-talba tiġi riveduta u aċċettata.